סגולה למציאת חן

וַיְהִי בַּיּוֹם הַשְּׁלִישִׁי, וַתִּלְבַּשׁ אֶסְתֵּר מַלְכוּת, בִּגְדֵי יָפְיָהּ, וְאֶת עֲדִי תִּפְאַרְתָּהּ וַתִּקַּח עִמָּהּ אֶת שְׁתֵּי נַעֲרוֹתֶיהָ... וַתַּצְהִיל פָּנֶיהָ וַתְּכַס הַדְּאָגָה אֲשֶׁר בְּלִבָּהּ. וַתָּבֹא בֶּחָצֵר הַפְּנִימִית נֹכַח הַמֶּלֶךְ וַתַּעֲמֹד לִפְנֵי הַמֶּלֶךְ, וְהַמֶּלֶךְ יוֹשֵׁב עַל כִּסֵּא מַלְכוּתוֹ בִּלְבוּשׁ זָהָב וְאֶבֶן יְקָרָה, וַיִּשָּׂא עֵינָיו וַיַּרְא אֶת אֶסְתֵּר עוֹמֶדֶת לְמוּל פָּנָיו. וַתִּבְעַר בּוֹ חַמָּתוֹ מְאֹד עַל אֲשֶׁר הֵפֵרָה תּוֹרָתוֹ וַתָּבֹא לְפָנָיו בְּלֹא קְרִיאָה, וַתִּשָּׂא אֶסְתֵּר אֶת עֵינֶיהָ וַתֵּרֶא אֶת פְּנֵי הַמֶּלֶךְ וְהִנֵּה עֵינָיו בּוֹעֲרוֹת מֵרֹב הַחֵמָה אֲשֶׁר בְּלִבּוֹ, וַתַּכֵּר הַמַּלְכָּה אֶת קֶצֶף הַמֶּלֶךְ וַתִּתְבַּהֵל מְאֹד, וַתָּפֵג רוּחָהּ, וַתָּשֵׂם רֹאשָׁהּ עַל הַנַּעֲרָה הַסּוֹמֶכֶת יְמִינָהּ, וַיַּרְא אֱלֹקֵינוּ וַיַחְמֹל עַל עַמּוֹ, וַיֵּפֶן לְצַעַר הַיְתוֹמָה אֲשֶׁר בָּטְחָה בּוֹ, וַיִּתֵּן לָהּ חֵן לִפְנֵי הַמֶּלֶךְ וַיּוֹסִיף יֹפִי עַל יָפְיָהּ וְהָדָר עַל הֲדָרָהּ, וַיָּקָם הַמֶּלֶךְ בְּבֶהָלָה מִכִּסְּאוֹ, וַיָּרָץ אֶל אֶסְתֵּר וַיְחַבְּקֶהָּ וַיְנַשְּׁקֶהָּ... וַיֹּאמֶר לָהּ הַמֶּלֶךְ, אֶסְתֵּר הַמַּלְכָּה: לָמָּה תִּפְחֲדִי כִּי הַדָּת הַזֹּאת אֲשֶׁר סִדַּרְנוּ שֶׁלֹּא לָבֹא אֶל הַמֶּלֶךְ בִּלְתִּי אִם נִקְרְאָה - אֵינֶנָּהּ מֻטֶּלֶת עָלַיךְ בַּאֲשֶׁר אַתְּ רַעֲיָתִי וַחֲבֶרְתִּי, וַיֹּאמֶר לָהּ מַדּוּעַ כַּאֲשֶׁר רְאִיתִיךְ לֹא תְּדַבְּרִי אֵלַי, וַתֹּאמֶר אֶסְתֵּר, אֲדוֹנִי הַמֶּלֶךְ כַּאֲשֶׁר רְאִיתִיךָ נִבְהֲלָה נַפְשִׁי מִפְּנֵי כְּבוֹדְךָ, וַיֹּאמֶר לָהּ הַמֶּלֶךְ מַה לָּךְ אֶסְתֵּר הַמַּלְכָּה וּמַה בַּקָּשָׁתֵךְ...

הרב עמנואל מזרחי בסגולות למציאת חן בפני אדם חשוב