רש"י לתהילים

תהילים פרק-מו
 
 
{א} לַמְנַצֵּ֥חַ לִבְנֵי-קֹ֑רַח עַֽל-עֲלָמ֥וֹת שִֽׁיר: {ב} אֱלֹהִ֣ים לָ֭נוּ מַחֲסֶ֣ה וָעֹ֑ז עֶזְרָ֥ה בְ֝צָר֗וֹת נִמְצָ֥א מְאֹֽד: {ג} עַל-כֵּ֣ן לֹא-נִ֭ירָא בְּהָמִ֣יר אָ֑רֶץ וּבְמ֥וֹט הָ֝רִ֗ים בְּלֵ֣ב יַמִּֽים:{ד} יֶהֱמ֣וּ יֶחְמְר֣וּ מֵימָ֑יו יִֽרְעֲשֽׁוּ-הָרִ֖ים בְּגַאֲוָת֣וֹ סֶֽלָה: {ה} נָהָ֗ר פְּלָגָ֗יו יְשַׂמְּח֥וּ עִיר-אֱלֹהִ֑ים קְ֝דֹ֗שׁ מִשְׁכְּנֵ֥י עֶלְיֽוֹן: {ו} אֱלֹהִ֣ים בְּ֭קִרְבָּהּ בַּל-תִּמּ֑וֹט יַעְזְרֶ֥הָ אֱ֝לֹהִ֗ים לִפְנ֥וֹת בֹּֽקֶר: {ז} הָמ֣וּ ג֖וֹיִם מָ֣טוּ מַמְלָכ֑וֹת נָתַ֥ן בְּ֝קוֹל֗וֹ תָּמ֥וּג אָֽרֶץ: {ח} יְהוָ֣ה צְבָא֣וֹת עִמָּ֑נוּ מִשְׂגָּֽב-לָ֝נוּ אֱלֹהֵ֖י יַעֲקֹ֣ב סֶֽלָה: {ט} לְֽכוּ-חֲ֭זוּ מִפְעֲל֣וֹת יְהוָ֑ה אֲשֶׁר-שָׂ֖ם שַׁמּ֣וֹת בָּאָֽרֶץ: {י} מַשְׁבִּ֥ית מִלְחָמוֹת֮ עַד-קְצֵ֪ה הָ֫אָ֥רֶץ קֶ֣שֶׁת יְ֭שַׁבֵּר וְקִצֵּ֣ץ חֲנִ֑ית עֲ֝גָל֗וֹת יִשְׂרֹ֥ף בָּאֵֽשׁ: {יא} הַרְפּ֣וּ וּ֭דְעוּ כִּי-אָנֹכִ֣י אֱלֹהִ֑ים אָר֥וּם בַּ֝גּוֹיִ֗ם אָר֥וּם בָּאָֽרֶץ: {יב} יְהוָ֣ה צְבָא֣וֹת עִמָּ֑נוּ מִשְׂגָּֽב-לָ֝נוּ אֱלֹהֵ֖י יַעֲקֹ֣ב סֶֽלָה:


פירוש רש"י
{א} על עלמות. שם של כלי שיר בדברי הימים : {ג} בהמיר ארץ. לעתיד לבא ביום שנאמר והארץ כבגד תבלה (ישעיה נא) ראו בני קרח נס שנעש' להם שנבלעו כל סביבותיה' והם עמדו באויר ואמרו לישראל ברוח הקדש שדוגמת הנס הזה יהיה עשוי להם לעתיד : {ד} יהמו יחמרו מימיו. יגרשו רפש וחומר וטיט (שם נז) כמשפטם, ומנחם חברו כמו מעי חמרמרו, (איכה ב') רגורזרונ''ט בלע''ז : ירעשו הרים בגאותו. של הקב''ה שנזכ' בראש המזמור : {ה} נהר פלגיו. שושרויישיל''ש בלע''ז, נהר גן עדן :{ז} המו גוים. לשון הומה : תמוג. תמס, כן פתר מנחם (שמות טו) נמוגו כל יושבי כנען, וכן למוג לב (יחזקאל כא), אבל דונש פתר אותם לשון הנעה וכן (שמואל א י''ד) ההמון נמוג וילך והלום וכן כלם :{ט} אשר שם שמות. אשר שם ארצות הגוים שממה : {י} משבית מלחמות. מעלינו עד קצה הארץ שכל ארצו' הגוים יהיו עמנו בשלום. עגלות ישרף באש. רכבי מלחמות : {יא} הרפו. עצמכם מלבא עוד על ירושלים : ודעו כי אנכי אלהים וגו' ארום בארץ. אתרומם בנקמתי אשר אעשה :